Men byudjet tashkilotida faoliyat yuritaman. 2015/2016 yilga ishlagan davri uun mehnat ta’tilimni 2016 yilning 6 may kunidan boshlab, rahbar buyrugʻi asosida mehnat ta’tiliga chikdim. Oʻzbekiston Respublikasi Mehnat Kodeksining 148-moddasiga muvofiq, ta’til uchun haq toʻlash jamoa shartnomasida belgilangan muddatlarda, lekin ta’til boshlanmasdan oldingi oхirgi ish kunidan kechikmay amalga oshirilishi belgilangan. Lekin menga mehnat ta’tilim uchun haq 2016 yilning 6 iyun kuni ya’niy mehnat ta’tili tugandan soʻng toʻlab berildi. Bu masala boʻyicha tashkilot bosh buхgalteri byudjet tashkilotlari uchun yangi UzASBO dasturi joriy etilganli aytib, shu dasturga asosan mehnat ta’tiliga haq toʻlash faqat oy yakuni bilan toʻlanadigan hisob kitob bilan hisoblanishi aytib oʻtildi.