Ha, bir majburiyatning boshqasiga almashtirilishi mumkinligi qonun hujjatlari bilan nazarda tutilgan.

Qarz shartnomasi boʻyicha qarzdorlikni MChJ ustav fondiga ulush sifatida hisobga olinishi uchun majburiyatni yangilash haqida kelishuv tuzishni maslahat berish mumkin.

Majburiyatning yangilanishi bir tomondan moliyaviy qarz boʻyicha siz va korхona oʻrtasidagi majburiyatni tugatsa, boshqa tomondan sizning korхona oldida yangi majburiyatingizni yuzaga keltiradi, ya’ni ustav fondi qiymatining oshirilishi munosabati bilan ta’sischi tomonidan pul mablagʻlari kiritilishi majburiyatini.

Majburiyat yangilanishi bilan uning bekor boʻlishi Fuqarolik kodeksining 347-moddasiga bilan huquqiy tartibga solinadi.

Majburiyatning yangilanishi boʻyicha bitim odatda alohida kelishuv tuzilishi bilan amalga oshiriladi. Kelishuv shartida “ushbu kelishuv kuchga kirgan paytdan boshlab qarzni qaytarish boʻyicha majburiyat toʻхtatiladi, ustav fondi oʻzgarishi bilan bogʻliq boʻlgan qoʻshimcha ulush kiritish majburiyati esa kuchga kiradi” deb koʻrsatib oʻtish shart. Majburiyatni yangilash toʻgʻrisida kelishuv tuzilgach, korхona oʻz ta’sis hujjatlariga tegishli oʻzgarish va qoʻshimchalarni kiritishi zarur. Korхonaning ustav fondi qiymatining oʻzgarishi uning ta’sischisining qarori asosida amalga oshiriladi. Korхona ustav fondining oshirilishi  Oʻzbekiston Respublikasining 06.12.2001 y. 310-II-son "Mas’uliyati cheklangan hamda qoʻshimcha mas’uliyatli jamiyatlar toʻgʻrisida"gi Qonuni bilan tartibga solinadi va jamiyatning  jamiyat ishtirokchilari umumiy yigʻilishining qaroriga binoan amalga oshiriladi.