Ҳа, бир мажбуриятнинг бошқасига алмаштирилиши мумкинлиги қонун ҳужжатлари билан назарда тутилган.
Қарз шартномаси бўйича қарздорликни МЧЖ устав фондига улуш сифатида ҳисобга олиниши учун мажбуриятни янгилаш ҳақида келишув тузишни маслаҳат бериш мумкин.
Мажбуриятнинг янгиланиши бир томондан молиявий қарз бўйича сиз ва корхона ўртасидаги мажбуриятни тугатса, бошқа томондан сизнинг корхона олдида янги мажбуриятингизни юзага келтиради, яъни устав фонди қийматининг оширилиши муносабати билан таъсисчи томонидан пул маблағлари киритилиши мажбуриятини.
Мажбурият янгиланиши билан унинг бекор бўлиши Фуқаролик кодексининг 347-моддасига билан ҳуқуқий тартибга солинади.
Мажбуриятнинг янгиланиши бўйича битим одатда алоҳида келишув тузилиши билан амалга оширилади. Келишув шартида “ушбу келишув кучга кирган пайтдан бошлаб қарзни қайтариш бўйича мажбурият тўхтатилади, устав фонди ўзгариши билан боғлиқ бўлган қўшимча улуш киритиш мажбурияти эса кучга киради” деб кўрсатиб ўтиш шарт. Мажбуриятни янгилаш тўғрисида келишув тузилгач, корхона ўз таъсис ҳужжатларига тегишли ўзгариш ва қўшимчаларни киритиши зарур. Корхонанинг устав фонди қийматининг ўзгариши унинг таъсисчисининг қарори асосида амалга оширилади. Корхона устав фондининг оширилиши Ўзбекистон Республикасининг 06.12.2001 й. 310-II-сон "Масъулияти чекланган ҳамда қўшимча масъулиятли жамиятлар тўғрисида"ги Қонуни билан тартибга солинади ва жамиятнинг жамият иштирокчилари умумий йиғилишининг қарорига биноан амалга оширилади.
Жавоблар улар эълон қилинган санада долзарб ҳисобланади.