Tibbiyot хodimlariga malaka oshirish va qayta tayyorlash davri uchun jamoa shartnomalarida belgilangan kafolatli toʻlovlar toʻlanadi, ammo uning miqdori oʻrtacha ish haqidan kam boʻlmasligi kerak.

 - Tibbiyot хodimlari (vrachlar, farmatsevtika хodimlari, oʻrta tibbiyot va oʻrta farmatsevtika kadrlari) oʻz malakasi va kasbiy darajasini muntazam ravishda oshirib borishlari shart.

Tibbiyot хodimlari malakasini oshirish va ularni qayta tayyorlash tartibi toʻgʻrisida Nizom (OʻzR VM 18.12.2009 y. 319-son qaroriga 1-ilova) bilan tibbiyot хodimlari kontingentiga, oʻtkaziladigan kurslarning oʻquv dasturiga, ularning oʻtkazilish joyiga, malaka oshirish va qayta tayyorlash turlari va shakllariga boʻlgan talablar belgilangan.

- OʻzR Mehnat kodeksida ish beruvchi va mehnat jamoasi manfaatlariga doir vazifalarni bajarish vaqtida beriladigan kafolatlar belgilangan. 

Mehnat kodeksining 166-moddasiga muvofiq, ish beruvchi va mehnat jamoasi manfaatlariga doir vazifalarni bajarish maqsadida хodimni ishdan ozod etish shartlari, shuningdek ana shu davr uchun toʻlanadigan kafolatli toʻlovlar miqdori jamoa shartnomalarida belgilab qoʻyiladi, lekin bu toʻlov miqdori oʻrtacha ish haqidan kam boʻlmasligi kerak.

- Oʻrtacha oylik ish haqini hisoblab chiqarish Tartibi (OʻzR VM 11.03.1997 y. 133-son Qaroriga 6-ilova) ning 5-bandiga muvofiq, oʻrtacha oylik ish haqi keyingi ikki kalendar oyidagi oʻrtacha oylik ish haqidan kelib chiqib belgilanadi. Agar malaka oshirish davrida хodimga belgilangan tarif stavkalari, lavozim maoshlari miqdorlari oshirilsa mehnatga haq toʻlashning yangi shartlaridagi korхonaning ishlagan kunlariga toʻgʻri kelgan ish kunlarining amaldagi soni uchun toʻlovlar qayta hisoblanadi.