1. Tovarlarning ayrim turlari bilan chakana savdo qilish va ayrim turdagi хizmatlar koʻrsatish huquqi uchun yigʻimlar hisob-kitobining tasdiqlangan shaklida (AV roʻy. №2439 22.03.2013y. 17-ilova), tegishli ustunda yigʻimning stavkasi aks ettirilishi koʻzda tutilgan (eng kam ish haqiga karrali miqdorda).

Mahalliy soliqlar va yigʻimlarning chegaralangan stavkalari Oʻzbekiston Respublikasi Prezidentining 22.12.2015 yildagi PQ-2455-sonli Qarori 22-ilovasi bilan tasdiqlangan boʻlib, alkogolli mahsulotlar, shu jumladan, umumiy ovqatlanish korхonalari tomonidan alkogolli mahsulotlarning realizatsiya qilinishda yigʻim stavkasi 1 oylik savdo uchun EKIH 5 baravari miqdorida belgilangan.

Tegishli ravishda Hisob-kitobda ham yigʻim stavkasini EKIH 5 baravari miqdorida aks ettirish lozim.

Yigʻim yagona hisobvaraqqa kelib tushgandan keyin byudjet bilan «bir darcha» qoidasi boʻyicha tadbirkorlik sub’yektlariga davlat хizmatlarini koʻrsatuvchi yagona markaz oʻrtasida belgilangan tartibda taqsimlanadi.

2. Tovarlarning ayrim turlari bilan chakana savdo qilish va ayrim turdagi хizmatlar koʻrsatish huquqi uchun yigʻimlar hisob-kitobining izohida (AV roʻy. №2439 22.03.2013y. 17-ilova), yigʻim ob’yekti va eng kam ish haqining miqdori oʻzgargan taqdirda soliq toʻlovchilar aniqlashtirilgan hisob-kitobni navbatdagi toʻlov muddatidan kechiktirmay taqdim etishi koʻzda tutilgan.