1. Товарларнинг айрим турлари билан чакана савдо қилиш ва айрим турдаги хизматлар кўрсатиш ҳуқуқи учун йиғимлар ҳисоб-китобининг тасдиқланган шаклида (АВ рўй. №2439 22.03.2013й. 17-илова), тегишли устунда йиғимнинг ставкаси акс эттирилиши кўзда тутилган (энг кам иш ҳақига каррали миқдорда).
Маҳаллий солиқлар ва йиғимларнинг чегараланган ставкалари Ўзбекистон Республикаси Президентининг 22.12.2015 йилдаги ПҚ-2455-сонли Қарори 22-иловаси билан тасдиқланган бўлиб, алкоголли маҳсулотлар, шу жумладан, умумий овқатланиш корхоналари томонидан алкоголли маҳсулотларнинг реализация қилинишда йиғим ставкаси 1 ойлик савдо учун ЭКИҲ 5 баравари миқдорида белгиланган.
Тегишли равишда Ҳисоб-китобда ҳам йиғим ставкасини ЭКИҲ 5 баравари миқдорида акс эттириш лозим.
Йиғим ягона ҳисобвараққа келиб тушгандан кейин бюджет билан «бир дарча» қоидаси бўйича тадбиркорлик субъектларига давлат хизматларини кўрсатувчи ягона марказ ўртасида белгиланган тартибда тақсимланади.
2. Товарларнинг айрим турлари билан чакана савдо қилиш ва айрим турдаги хизматлар кўрсатиш ҳуқуқи учун йиғимлар ҳисоб-китобининг изоҳида (АВ рўй. №2439 22.03.2013й. 17-илова), йиғим объекти ва энг кам иш ҳақининг миқдори ўзгарган тақдирда солиқ тўловчилар аниқлаштирилган ҳисоб-китобни навбатдаги тўлов муддатидан кечиктирмай тақдим этиши кўзда тутилган.
Жавоблар улар эълон қилинган санада долзарб ҳисобланади.