Oʻzbekiston Respublikasi Soliq kodeksining 179 moddasi 30 bandiga asosan qishloq joylarda namunaviy loyihalar boʻyicha yakka tartibda uy-joy qurishni ushbu maqsadlar uchun kreditlar berish qonun hujjatlariga muvofiq zimmasiga yuklatilgan banklarning kreditlari hisobidan amalga oshirayotgan quruvchi shaхslar, shuningdek ularning mazkur kreditlar boʻyicha birgalikdagi qarz oluvchi boʻlgan oila a’zolari tomonidan olingan ipoteka kreditlarini hamda ular boʻyicha hisoblangan foizlarni qoplash uchun yoʻnaltirilgan soliq solinadigan ish haqi va boshqa daromadlari summalariga soliq solinmaydi.
SKning 22 moddasiga muvofiq ota-onalar yoki farzandlikka oluvchilar va bolalar, shu jumladan farzandlikka olinganlar oila a’zolari hisoblanadi.
Oʻzbekiston Respublikasi Fuqarolik kodeksining 292 va 293 moddalariga koʻra kafil boshqa shaхs oʻz majburiyatini toʻla yoki qisman bajarishi uchun uning kreditori oldida javob berishni oʻz zimmasiga oladi. Kafil kreditor oldida qarzdor bilan baravar hajmda javob beradi, shu jumladan foizlar toʻlaydi, qarzni undirib olish boʻyicha sud chiqimlarini va qarzdor majburiyatini bajarmaganligi yoki lozim darajada bajarmaganligi tufayli kreditor koʻrgan boshqa zararlarni toʻlaydi.
Xodimingiz, onasi olgan ipoteka krediti boʻyicha birgalikdagi qarz oluvchi oila a’zosi sifatida oʻz ish haqi va boshqa daromadlarini kredit hamda hisoblangan foizlarni qoplash uchun yoʻnaltirsa, u yuqorida koʻrsatilgan imtiyozlardan foydalanishga haqli boʻladi.
Javoblar ular e’lon qilingan sanada dolzarb hisoblanadi.