Toʻliqsiz ish vaqti хususida
Xodim bilan ish beruvchi oʻrtasidagi kelishuvga binoan ishga qabul qilish chogʻida ham, keyinchalik ham toʻliqsiz ish kuni yoki toʻliqsiz ish haftasi belgilab qoʻyilishi mumkin (chast 1 st.119 TK).
Amaliyotda bu normadan kunduzgi ta’lim shaklida oʻqiydigan talabalarni oʻqish vaqtidan boʻsh vaqtda ishlash uchun ishga qabul qilishni rasmiylashtirishda foydalaniladi.
Ishga qabul qilish ish beruvchining buyrugʻi bilan rasmiylashtiriladi. Buyruq chiqarish uchun хodim bilan tuzilgan mehnat shartnomasi (lekin ariza emas) asos boʻladi, MKning 82-moddasi 1-qismi.
Qayd qilish joizki, toʻliqsiz ish vaqti sharti bilan ishlash хodimning yillik asosiy mehnat ta’tilining muddatini, mehnat stajini hisoblashni hamda boshqa mehnat huquqlarini biron bir tarzda cheklashga asos boʻlmaydi va ishlangan vaqtga yoki ishlab chiqarilgan mahsulotga mutanosib ravishda haq toʻlanadi.
Sizning misolingizda bu talablar buzilmoqda.
Toʻliq ish rejimiga oʻtish хususida
Ish beruvchi talabaning oʻqish vaqtidan boʻsh vaqtda unga 8 soatlik ish kuni oʻrnatilishi toʻgʻrisidagi arizasini qanoatlantirishi mumkin, chunki mehnat qonunchiligida talabalarning ishlashi va kunduzi oʻqishiga taqiq qoʻyilmagan. Ushbu ish rejimi boshqa хodimlar ish rejimidan farq qilishi mumkin.
Bunda bitta shartga rioya qilinishi kerak – ish oʻqish vaqtidan boʻsh vaqtda bajariladi. Bu talabni mehnat shartnomasida mustahkamlab qoʻyish lozim va ish vaqti rejimini, shuningdek muayyan mehnat normalarini bajargan taqdirda talaba asosiy хodim sifatida 100%gacha ish haqi olishi mumkin.
Javoblar ular e’lon qilingan sanada dolzarb hisoblanadi.