Oliy oʻquv yurti bakalavriatini tugatgan, hozirgi kunda esa magistraturada ta’lim olayotgan bir yosh mutaхassisni ishga qabul qilayapmiz. Garchi u oʻqir ekan, unga 3 soatlik ish kuni tayinlandi hamda 0,5 ish haqi hisoblanmoqda. Lekin bu talaba ish vaqtidan tashqari paytda koʻproq ishlashga va tegishincha ish haqini 100% olishga rozi boʻlyapti (ehtimol oilaviy sharoitlar tufayli). Tabel 40 soatlik ish haftasi boʻyicha yuritiladi (7,7,7,7,7,5 soat), mehnat shartnomasida esa ish vaqti 14.00 dan 21.00 gacha va tegishincha shanba kuni 14.00 dan 19.00 gacha deb yoziladi. Bizning harakatimiz nechogʻli toʻgʻri? Xodim arizani qanday yozishi kerak? Ushbu buyruqni chiqarish asosida bu buyruq qaysi hujatga asoslanayotganligini yozish kerakmi?