Тўлиқсиз иш вақти хусусида
Ходим билан иш берувчи ўртасидаги келишувга биноан ишга қабул қилиш чоғида ҳам, кейинчалик ҳам тўлиқсиз иш куни ёки тўлиқсиз иш ҳафтаси белгилаб қўйилиши мумкин (часть 1 ст.119 ТК).
Амалиётда бу нормадан кундузги таълим шаклида ўқийдиган талабаларни ўқиш вақтидан бўш вақтда ишлаш учун ишга қабул қилишни расмийлаштиришда фойдаланилади.
Ишга қабул қилиш иш берувчининг буйруғи билан расмийлаштирилади. Буйруқ чиқариш учун ходим билан тузилган меҳнат шартномаси (лекин ариза эмас) асос бўлади, МКнинг 82-моддаси 1-қисми.
Қайд қилиш жоизки, тўлиқсиз иш вақти шарти билан ишлаш ходимнинг йиллик асосий меҳнат таътилининг муддатини, меҳнат стажини ҳисоблашни ҳамда бошқа меҳнат ҳуқуқларини бирон бир тарзда чеклашга асос бўлмайди ва ишланган вақтга ёки ишлаб чиқарилган маҳсулотга мутаносиб равишда ҳақ тўланади.
Сизнинг мисолингизда бу талаблар бузилмоқда.
Тўлиқ иш режимига ўтиш хусусида
Иш берувчи талабанинг ўқиш вақтидан бўш вақтда унга 8 соатлик иш куни ўрнатилиши тўғрисидаги аризасини қаноатлантириши мумкин, чунки меҳнат қонунчилигида талабаларнинг ишлаши ва кундузи ўқишига тақиқ қўйилмаган. Ушбу иш режими бошқа ходимлар иш режимидан фарқ қилиши мумкин.
Бунда битта шартга риоя қилиниши керак – иш ўқиш вақтидан бўш вақтда бажарилади. Бу талабни меҳнат шартномасида мустаҳкамлаб қўйиш лозим ва иш вақти режимини, шунингдек муайян меҳнат нормаларини бажарган тақдирда талаба асосий ходим сифатида 100%гача иш ҳақи олиши мумкин.
Жавоблар улар эълон қилинган санада долзарб ҳисобланади.