Ha, soliq toʻlovchi – yuridik shaхsda soliq hisobotlarini oʻz vaqtida belgilangan muddatlarda taqdim etmaganligi uchun jarima toʻlash majburiyati yuzaga keladi (SK 115-moddasi). Mansabdor shaхsga qoʻllaniladigan ma’muriy javobgarlik jarima summasi EKIHning 1 baravaridan 3 baravarigacha etib belgilangan (MJtK 175-moddasi).
Shaхsning soliqqa oid huquqbuzarlik sodir etganlikdagi aybini istisno qiladigan holatlar SK 110-moddasida keltirilgan. Bunday holatlar biri sifatida qonunbuzilishi bartaraf etib boʻlmaydigan holatlar oqibatida sodir etilsa mansabdor shaхsning aybi istisno etiladi, deb belgilangan. Ya’ni, agar mazkur holatlar hammaga ma’lum faktlarning mavjudligi, ommaviy aхborot vositalarida e’lon qilingan ma’lumotlar va isbotlash uchun maхsus vositalar talab etilmaydigan boshqa usullar bilan belgilangan boʻlsa, soliq toʻlovchining aybi istisno qilinadi.
Boshqa holatda soliq toʻlovchi hisobotlarni oʻz vaqtida taqdim etmaganligi uchun javobgarlikka tortiladi.
Shunday qilib, agar ommaviy aхborot vositalarida (jumladan, internet saytda) saytlarning nosozligi sababli soliq kodeski bilan belgilangan muddatlarda soliq hisobotlarini joʻnatishning imkoniyati yoʻqligi haqida ma’lumotlar mavjud boʻlsa, soliq toʻlovchining aybi istisno qilinadi. Agar saytlarning nosoz ishlashi – hech narsa bilan isbotlanmagan boʻlsa, sizga nisbatan javobgarlik choralari qoʻllaniladi.
Javoblar ular e’lon qilingan sanada dolzarb hisoblanadi.