Ҳа, солиқ тўловчи – юридик шахсда солиқ ҳисоботларини ўз вақтида белгиланган муддатларда тақдим этмаганлиги учун жарима тўлаш мажбурияти юзага келади (СК 115-моддаси). Мансабдор шахсга қўлланиладиган маъмурий жавобгарлик жарима суммаси ЭКИҲнинг 1 бараваридан 3 бараваригача этиб белгиланган (МЖтК 175-моддаси).

Шахснинг солиққа оид ҳуқуқбузарлик содир этганликдаги айбини истисно қиладиган ҳолатлар СК 110-моддасида келтирилган. Бундай ҳолатлар бири сифатида қонунбузилиши бартараф этиб бўлмайдиган ҳолатлар оқибатида содир этилса мансабдор шахснинг айби истисно этилади, деб белгиланган. Яъни, агар мазкур ҳолатлар ҳаммага маълум фактларнинг мавжудлиги, оммавий ахборот воситаларида эълон қилинган маълумотлар ва исботлаш учун махсус воситалар талаб этилмайдиган бошқа усуллар билан белгиланган бўлса, солиқ тўловчининг айби истисно қилинади.

Бошқа ҳолатда солиқ тўловчи ҳисоботларни ўз вақтида тақдим этмаганлиги учун жавобгарликка тортилади.

Шундай қилиб, агар оммавий ахборот воситаларида (жумладан, интернет сайтда) сайтларнинг носозлиги сабабли солиқ кодески билан белгиланган муддатларда солиқ ҳисоботларини жўнатишнинг имконияти йўқлиги ҳақида маълумотлар мавжуд бўлса, солиқ тўловчининг айби истисно қилинади. Агар сайтларнинг носоз ишлаши – ҳеч нарса билан исботланмаган бўлса, сизга нисбатан жавобгарлик чоралари қўлланилади.