“Ijaraga oluvchi” tomonidan QQS hisob-kitobining 7-ilovasi - Sotib olish reyestri toʻldirilganda “Ijaraga beruvchi”ning rekvizitlarini koʻrsatishi kerak.

Sotib olish reyestrini toʻldirishdan asosiy maqsad – soliq toʻlovchi oʻzida hisobga olishi mumkin boʻlgan QQS summasini aniqlashdir.

Agar reyestr ustunlarini koʻrib chiqilsa, unda QQSni hisobga olish uchun asos boʻladigan hujjatning rekvizitlarini koʻrsatish kerak.

Ijaraga oluvchining foydalanilgan elektr energiyasi, kommunal хizmatlar, aloqa хizmatlari boʻyicha QQS summasini hisobga olish uchun asos boʻluvchi hujjat – bu ijaraga beruvchidan ushbu хizmatlar boʻyicha olingan va QQS summasi ajratib koʻrsatilgan hisobvaraq – fakturadir (Hisobvaraq-fakturalarni hisobga olish va rasmiylashtiri tartibining 49,50-bandlari, AV 22.03.2013y. 2439-son)

Reyestrni toʻldirishda ijaraga beruvchi nomining yonida “qoplab berish” soʻzini qavs ichida koʻrsatishni maslahat beramiz. Shunda tushunarli boʻladiki, yetkazib berish qiymati va QQS summasi ijaraga beruvchiga qoplab berilyapti va u ushbu хizmatlarni koʻrsatuvchi va QQSni toʻlovchisi emas.