“Ижарага олувчи” томонидан ҚҚС ҳисоб-китобининг 7-иловаси - Сотиб олиш реестри тўлдирилганда “Ижарага берувчи”нинг реквизитларини кўрсатиши керак.
Сотиб олиш реестрини тўлдиришдан асосий мақсад – солиқ тўловчи ўзида ҳисобга олиши мумкин бўлган ҚҚС суммасини аниқлашдир.
Агар реестр устунларини кўриб чиқилса, унда ҚҚСни ҳисобга олиш учун асос бўладиган ҳужжатнинг реквизитларини кўрсатиш керак.
Ижарага олувчининг фойдаланилган электр энергияси, коммунал хизматлар, алоқа хизматлари бўйича ҚҚС суммасини ҳисобга олиш учун асос бўлувчи ҳужжат – бу ижарага берувчидан ушбу хизматлар бўйича олинган ва ҚҚС суммаси ажратиб кўрсатилган ҳисобварақ – фактурадир (Ҳисобварақ-фактураларни ҳисобга олиш ва расмийлаштири тартибининг 49,50-бандлари, АВ 22.03.2013й. 2439-сон)
Реестрни тўлдиришда ижарага берувчи номининг ёнида “қоплаб бериш” сўзини қавс ичида кўрсатишни маслаҳат берамиз. Шунда тушунарли бўладики, етказиб бериш қиймати ва ҚҚС суммаси ижарага берувчига қоплаб бериляпти ва у ушбу хизматларни кўрсатувчи ва ҚҚСни тўловчиси эмас.
Жавоблар улар эълон қилинган санада долзарб ҳисобланади.