Bizning murojaatimizga Toshkent shahar Davlat Soliq Boshqarmasi quyidagicha javob berdi:
Yer soligʻini solish ob’yekti boʻlib mulk huquqi, egalik qilish huquqi, foydalanish huquqi yoki ijara huquqi asosida yuridik shaхslardagi yer uchastkalari hisoblanadi (SK 280-moddasi 1-qismi).
Yer uchastkalarini egalik qilish, foydalanish uchun, ijaraga va mulk qilib berish (realizatsiya qilish) yer ajratish tariqasida amalga oshiriladi (Yer kodeksi 23-moddasi).
Yer uchastkalarini ajratib berish Oʻzbekiston Respublikasi Vazirlar Mahkamasi, viloyatlar, Toshkent shahri, tumanlar, shaharlar hokimlari tomonidan qonun hujjatlarida belgilanadigan tartibda amalga oshiriladi.
Korхona, bino, inshoot yoki boshqa koʻchmas mol-mulk joylashgan yer uchastkasiga egalik qilish va undan doimiy foydalanish huquqining boshqa shaхsga oʻtishi mulkdorlarning yoki ular vakolat bergan organlar hamda shaхslarning tegishincha shartnomalari, qarorlari asosida tuman, shahar yer-kadastr daftariga yerning yangi egasi yoki yerdan yangi foydalanuvchi toʻgʻrisidagi ma’lumotlarni kiritish va ularga yer uchastkasiga doimiy egalik qilish, undan doimiy foydalanish yoki yer uchastkasiga meros qilib qoldiriladigan umrbod egalik qilish huquqini beruvchi davlat hujjatlarini topshirish yoʻli bilan rasmiylashtiriladi (Yer kodeksining 22-moddasi 3-qismi).
Qaysi yer uchastkalariga boʻlgan mulk huquqi, egalik qilish huquqi, foydalanish huquqi yoki ijara huquqi yil mobaynida soliq toʻlovchiga oʻtgan boʻlsa, oʻsha yer uchastkalari uchun soliq solinadigan baza yer uchastkalariga tegishli huquq vujudga kelganidan keyingi oydan e’tiboran hisoblab chiqariladi (SK 281-soddasi 2-qismi).
Yuqoridagilardan kelib chiqib, yer soligʻi boʻyicha soliqqa tortiladigan baza Hokimning yer uchastkasini ajratish toʻgʻrisidagi qarorni qabul qilganidan keyingi oydan boshlab hisoblanadi.
Javoblar ular e’lon qilingan sanada dolzarb hisoblanadi.