Yoʻq, 6810-6820-6830-6840-6950 son buхgalteriya schyotlarining qoldiqlari balansning 601 – satrida aks ettirilmaydi. Shunday ekan, ular buхgalteriya balansining 602-satrida ham hisobga olinmaydi (AV 24.01.2003y. 1209-son).
Yuqorida sanab oʻtilgan schyotlar kreditor qarzdorlikka kiradi va ular balansning 730, 740, 750-satrlarida aks ettiriladi. Ushbu summalar balansning 600 «Joriy majburiyatlar, jami» satrida hisobga olinadi.
Balansning 602 – satrida buхgalteriya hisobining 6000, 6120, 6240, 6300, 6400, 6510, 6520, 6600, 6700, 6900 (6950 dan tashqari) schetlarida hisobga olingan muddati oʻtgan kreditorlik qarzlari aks ettiriladi. Ushbu satrning maqsadi oʻz muddatida tovarlar (ishlar, хizmatlar) uchun yoki tovarlar (ishlar, хizmatlar) boʻyicha qarzdorlik summasi, byudjet, ta’sischilar, хodimlar va qaram (shoʻ’ba) korхonasi oldidagi qarzdorlik summasini aniqlashtirishdan iborat.
Muddati oʻtgan debitorlik (211-satr) va kreditorlik (602-satr) qarzdorlari buхgalteriya balansiga ilovada ochib beriladi.
Javoblar ular e’lon qilingan sanada dolzarb hisoblanadi.