Йўқ, 6810-6820-6830-6840-6950 сон бухгалтерия счётларининг қолдиқлари баланснинг 601 – сатрида акс эттирилмайди. Шундай экан, улар бухгалтерия балансининг 602-сатрида ҳам ҳисобга олинмайди (АВ 24.01.2003й. 1209-сон).
Юқорида санаб ўтилган счётлар кредитор қарздорликка киради ва улар баланснинг 730, 740, 750-сатрларида акс эттирилади. Ушбу суммалар баланснинг 600 «Жорий мажбуриятлар, жами» сатрида ҳисобга олинади.
Баланснинг 602 – сатрида бухгалтерия ҳисобининг 6000, 6120, 6240, 6300, 6400, 6510, 6520, 6600, 6700, 6900 (6950 дан ташқари) счетларида ҳисобга олинган муддати ўтган кредиторлик қарзлари акс эттирилади. Ушбу сатрнинг мақсади ўз муддатида товарлар (ишлар, хизматлар) учун ёки товарлар (ишлар, хизматлар) бўйича қарздорлик суммаси, бюджет, таъсисчилар, ходимлар ва қарам (шўъба) корхонаси олдидаги қарздорлик суммасини аниқлаштиришдан иборат.
Муддати ўтган дебиторлик (211-сатр) ва кредиторлик (602-сатр) қарздорлари бухгалтерия балансига иловада очиб берилади.
Жавоблар улар эълон қилинган санада долзарб ҳисобланади.