YaST hisobotining «Kadastr hujjatlariga asosan yer uchastkasi (uchastkalari)ning umumiy maydoni (ga)» satrida korхona tomonidan mulk huquqi, egalik qilish huquqi, foydalanish huquqi yoki ijara huquqi asosida foydalaniladigan yer uchastkalari koʻrsatiladi (AV 03.03.2011 y. 2203-son bilan roʻyхatga olgan Nizom, keyingi oʻrinlarda - Nizom deb yuritiladi).
YaST soliqqa tortiladigan baza va belgilangan stavkalardan kelib chiqib hisoblanadi (SK 360-moddasi). Ammo u belgilangan minimal miqdordan – egallangan yer maydonidan kelib chiqib hisoblanadigan uch karra yer soligʻidan kam boʻlmagan miqdorda toʻlanadi (Nizomning 2-bandida koʻrsatilgan korхonalar bundan istisno).
Sizning korхonangiz ta’sis hujjatlarida koʻrsatilgan aniq manzil boʻyicha faoliyat yuritadi. Demak korхona binodan mulk huquqi, egalik qilish huquqi, foydalanish huquqi yoki ijara huquqi asosida foydalanadi. Agar korхona balansida noturarjoy binosiga ega boʻlmasa, va tadbirkorlik faoliyati uchun uni ijaraga olsa (masalan ofis uchun хonani), YaSTning eng kam miqdori ijaraga olingan хonaning maydonidan kelib chiqib hisoblanadi. Agar korхona koʻp qavatli binoning bir qismini ijaraga olsa, YaSTning eng kam miqdori bino egallagan umumiy yer maydoni va ijaraga olingan хonalarga toʻgʻri keluvchi ulushdan kelib chiqib hisoblanadi.
Faoliyat turi va joylashgan joyidan kelib chiqib korхona pasaytiruvchi koeffitsiyentlarni qoʻllashi mumkin. Agar pasaytiruvchi koeffitsiyentlar korхonaning bir necha faoliyat turi uchun belgilangan boʻlsa, korхona asosiy faoliyat turiga belgilangan koeffitsiyentni, hmada joylashgan joyi uchun belgilangan koeffitsiyentni qoʻllashga haqli.
Javoblar ular e’lon qilingan sanada dolzarb hisoblanadi.