Koʻkdumaloq konini oʻzlashtirishda, Gazli-Nukus gaz quvuri trassasi, Buхoro viloyati Qorovulbozor tumanidagi neftni qayta ishlash zavodi hamda Buхoro viloyatidagi Zafarobod neft qoʻyish estakadasi qurilishida bevosita band boʻlgan barcha toifadagi хodimlarning ish haqlariga suvsizlik va choʻl sharoitlari uchun qoʻshimcha 1,7 koeffitsiyent toʻlanishi belgilangan (03.08.1993 y. 389-sonli VMQ 18-bandi).

Koeffitsiyent хodimlarning amaldagi ish haqi, jumladan tarif boʻyicha hamda ortiqcha ishlangan vaqt uchun toʻlov, qoʻshimcha toʻlovlar, ustamalar, mukofot pullari va boshqa  mehnatga haq toʻlash tizimida nazarda tutilgan toʻlovlardan kelib chiqib hisoblanadi.

Bunda choʻl va suvsiz joylarda, baland togʻli va tabiiy-iqlim sharoiti noqulay hududlarda ishlaganlik uchun хodimlarning ish haqiga koeffitsiyentlar hisoblashning eng yuqori summasi hisoblash paytidagi holatga koʻra belgilangan eng kam ish haqining toʻrt baravari miqdoridan oshmagan miqdorda belgilanadi (Soliq kodeksining 181-moddasi).

Koeffitsiyentlar va ustamalar belgilangan hududlar, ularning qoʻllanish tartibi va miqdori boʻyicha OʻzR mehnat Vazirligiga murojaat qilishni maslahat beramiz. Murojaatni qogʻozda yoki elektron holatda mygov.uz sayti orqali joʻnatishingiz mumkin.