Кўкдумалоқ конини ўзлаштиришда, Газли-Нукус газ қувури трассаси, Бухоро вилояти Қоровулбозор туманидаги нефтни қайта ишлаш заводи ҳамда Бухоро вилоятидаги Зафаробод нефть қўйиш эстакадаси қурилишида бевосита банд бўлган барча тоифадаги ходимларнинг иш ҳақларига сувсизлик ва чўл шароитлари учун қўшимча 1,7 коэффициент тўланиши белгиланган (03.08.1993 й. 389-сонли ВМҚ 18-банди).

Коэффициент ходимларнинг амалдаги иш ҳақи, жумладан тариф бўйича ҳамда ортиқча ишланган вақт учун тўлов, қўшимча тўловлар, устамалар, мукофот пуллари ва бошқа  меҳнатга ҳақ тўлаш тизимида назарда тутилган тўловлардан келиб чиқиб ҳисобланади.

Бунда чўл ва сувсиз жойларда, баланд тоғли ва табиий-иқлим шароити ноқулай ҳудудларда ишлаганлик учун ходимларнинг иш ҳақига коэффициентлар ҳисоблашнинг энг юқори суммаси ҳисоблаш пайтидаги ҳолатга кўра белгиланган энг кам иш ҳақининг тўрт баравари миқдоридан ошмаган миқдорда белгиланади (Солиқ кодексининг 181-моддаси).

Коэффициентлар ва устамалар белгиланган ҳудудлар, уларнинг қўлланиш тартиби ва миқдори бўйича ЎзР меҳнат Вазирлигига мурожаат қилишни маслаҳат берамиз. Мурожаатни қоғозда ёки электрон ҳолатда mygov.uz сайти орқали жўнатишингиз мумкин.