Ishdan boʻshamasdan turib, 7 yillik ta’til uchun pullik kompensatsiya toʻlash toʻgʻrisidagi talab, qonunchilik talablariga ziddir, chunki MK 151-moddasining birinchi qismiga muvofiq mehnat shartnomasi bekor qilinganda хodimga, bekor qilish asosidan qat’i nazar foydalanilmagan barcha yillik asosiy va qoʻshimcha ta’tillar uchun pullik kompensatsiya toʻlanadi.

Xodimlarga ish davrida esa, ularning хohishiga koʻra, yillik ta’tilning Mehnat kodeksining 134-moddasida belgilangan eng oz muddatidan (oʻn besh ish kunidan) ortiqcha qismi uchun pullik kompensatsiya toʻlanishi mumkin.

Eslatib oʻtamizki, ushbu ta’tillar "kuyib ketmaydi" va baribir хodimga tegishli boʻlib qoladi. Garchi ish beruvchi shu tarzda mehnat qonunchiligini doimiy tarzda buzsada, buning uchun ma’muriy javobgarlikka tortilishi mumkin, lekin хodim bundan aziyat chekmaydi (MKning 133, 143, 144, 151, 152 va 275-moddalari).