Ишдан бўшамасдан туриб, 7 йиллик таътил учун пуллик компенсация тўлаш тўғрисидаги талаб, қонунчилик талабларига зиддир, чунки МК 151-моддасининг биринчи қисмига мувофиқ меҳнат шартномаси бекор қилинганда ходимга, бекор қилиш асосидан қатъи назар фойдаланилмаган барча йиллик асосий ва қўшимча таътиллар учун пуллик компенсация тўланади.

Ходимларга иш даврида эса, уларнинг хоҳишига кўра, йиллик таътилнинг Меҳнат кодексининг 134-моддасида белгиланган энг оз муддатидан (ўн беш иш кунидан) ортиқча қисми учун пуллик компенсация тўланиши мумкин.

Эслатиб ўтамизки, ушбу таътиллар "куйиб кетмайди" ва барибир ходимга тегишли бўлиб қолади. Гарчи иш берувчи шу тарзда меҳнат қонунчилигини доимий тарзда бузсада, бунинг учун маъмурий жавобгарликка тортилиши мумкин, лекин ходим бундан азият чекмайди (МКнинг 133, 143, 144, 151, 152 ва 275-моддалари).