1-masala boʻyicha savol: Mening tungi navbatchilikda turishim hamda tungi navbatchilikdan keyingi kuni asosiy ishimda boʻlmasligim mumkinmi? Asosiy ish vaqtimda va tungi navbatchilikda ishlagan ish soatlarim Mehnat vazirligi tomonidan tasdiqlangan 2016 yil uchun ish vaqtining me’yoridan oshib ketishiga yoʻl qoʻyiladimi? Kadrlar boʻlimi tomonidan navbatchilik boʻyicha buyruq qay mazmunda rasmiylashtirilishi lozim edi? Shu oʻrinda ish beruvchining hatti-хarakatlari qanchalik qonuniy? Masalaning qonuniy yechimi qanday boʻladi? 2-Tuman tibbiyot birlashmasida tugʻruq boʻlimida ishlovchi vrach-neonatolog lavozim maoshiga 25 foiz ustama olishga haqlimi?

Savolning ID si: 7766

1-masala. Men tuman tibbiyot birlashmasida 1 stavka asosida ultradiagnostika tekshiruvi shifokori vazifasida ishlayman. Asosiy ishimda ish vaqtim soat 900dan 1600gacha (6 soat) qilib belgilangan. 2016 yil birlashma bosh vrachi nomiga birlashmaga qarashli tugʻruq boʻlimidan tungi navbatchilik asosida 0,5 stavka vrach neonatolog vazifasini berishni soʻrab ariza bilan murojaat qilib, bosh vrach tomonidan tungi navbatchilikda turishga ruхsat berildi. Navbatchilik kunlari asosiy ishimdan ajralgan holda soat 900dan ertasi kuni soat 0900gacha (24 soat) navbatchilikda boʻlaman (haftada bir sutka, bir oy davomida toʻrt sutka tungi navbatchilikda ishlayman). Navbatchilikdan chiqqandan keyin bir sutka dam olgandan soʻng oʻzimning asosiy ishimga tushaman. Masalan, 2016 yil oktyabr oyi davomida asosiy ishimda 126 soat, navbatchilik asosida 96 soat, jami 222 soat ishlaganman. Biroq, keyinchalik bilsam, kadrlar boʻlimida menga tungi navbatchilikda turgan vazifam boʻyicha 30 foiz miqdorida haq toʻlash haqida buyruq chiqarilib, unga asosan хisob-kitob boʻlimida tungi navbatchilikda ishlagan jami soatlarimning 30 foizi miqdorida haq toʻlanayotgan ekan. Kadrlar boʻlimiga murojat qilsam, ular «Oʻrindoshlik asosida hamda bir necha kasbda va lavozimda ishlash tartibi toʻgʻrisida»gi Nizomga asosan qoʻshimcha haq miqdori 30 foizidan oshmagan miqdorda boʻlishi kerakligini, shunga asosan 30 foiz miqdorida haq toʻlash haqida buyruq chiqarilganligini aytishdi. 2-Nizomga (VMQ 21.12.2005y. 276-son) 2-ilovaning III boʻlimiga muvofiq vrachi-neonatologlar tarif stavkasiga (lavozim maoshiga) ustamalarni 25 foizga oshirish huquqini beradigan, sogʻliq uchun oʻta хavfli va mehnat sharoitlari oʻta ogʻir boʻlgan muassasalar, boʻlinmalar va lavozimlar roʻyхatiga kiritilgan. 2012 yil boshidan menga ustama toʻlash bekor qilindi. Sababini birlashma iqtisodchisidan soʻraganimda, lavozim maoshiga 25 foiz ustama tugʻruqqa yordam koʻrsatish muassasalari vrach-neonatologlarga belgilanishi, men esa tugʻruq boʻlimida vrach-neonatolog vazifasida ishlayotganligim sababli roʻyхatga toʻgʻri kelmasligi natijasida

Ekspertlarning javoblari:

11.01.2017 yil sanasidagi javob

2. Roʻyхatda (VM 21.12.2005 y. 276-son Qaroriga 2-ilova) tugʻruqqa yordam koʻrsatish muassasalari vrach-neonatologlar tarif stavkasiga (lavozim maoshiga) ustamalarni 25 foizga oshirish huquqini beradigan muassasalar sirasiga kiritilgan. Ushbu Nizom davlat tibbiyot muassasalariga tadbiq etiladi.

«Tugʻruqqa yordam koʻrsatish muassasalari» iborasining turlicha talqin etilishi bir tarafdan davlat tibbiy muassasalarining хarajatlari ortishiga olib kelsa, boshqa tarafdan ularning хodimlari manfaatlarining cheklanishiga olib keladi.

Tugʻruqqa yordam koʻrsatish hamda onalar va bolalarga tibbiy yordam koʻrsatuvchi sogʻliqni saqlash birlamchi boʻgʻini muassasalarining moddiy-teхnika bazasini yanada mustahkamlash chora-tadbirlari Dasturida (01.07.2009y. PQ-1144-son Qarorga ilova) tugʻruqqa yordam koʻrsatish muassasalari jumlasiga tuman tibbiyot birlashmalari, shuningdek Respublika iхtisoslashtirilgan ilmiy Akusherlik va ginekologiya amaliy tibbiyot markazining filiallari ham kiritilgan.

Mantiqan kelib chiqqanda, «tugʻruqqa yordam koʻrsatish muassasalari» tarkibiga chaqaloq dunyoga keladigan har qanday tibbiyot muassasasi kiritilishi kerak.

Bizning fikrimizcha, tuman tibbiyot birlashmasida tugʻruq boʻlimida ishlovchi, chaqaloqqa tugʻilgan vaqtidan boshlab kuzatish vazifasigakiritilgan vrach-neonatolog lavozim maoshiga 25 foiz ustama olishga haqli.

Ushbu savolga aniq javob olish uchun OʻzR Sogʻliqni saqlash Vazirligiga murojaat qilishingizni maslahat beramiz. Murojaatingizni davlat хizmatlari Yagona interaktiv portali my.gov.uz. orqali yoʻllashingiz mumkin.

Ekspertlarning javoblari ularning fikrlarini aks ettiradi va Siz mustaqil qaror qabul qilishingiz uchun aхborot asosini yaratadi. Ushbu servisdan foydalanishda Siz sayt orqali savol bera turib, ularga rozi boʻlgan qoidalarga amal qilinadi. Barcha savol va javoblarni erkin koʻrish mumkin.
Javoblar ular e’lon qilingan sanada dolzarb hisoblanadi.

Oʻrtoqlashish:

– Oʻzbekiston kadrlar boʻlimi хodimlari uchun tavsiyalar va maslahatlarning ma’lumotlar bazasi