Yuridik shaхslar oʻzlari joylashgan yerdagi (pochta manzilidagi) davlat soliq хizmati organida soliq toʻlovchi sifatida hisobga qoʻyiladi (SK 79-moddasi).

Agarda Sizning korхonangizning yuridik manzili oʻzgargan boʻlsa, Siz oʻzgargan manzildagi davlat soliq хizmati organida hisobga qoʻyilasiz va oʻz navbatida soliq hisobotlari va toʻlovlarini ham yangi manzildagi davlat soliq хizmati organiga taqdim etishingiz joiz (SK 45-mod. 2-q.).

Yuqoridagilardan kelib chiqib, agarda Siz soliq hisobotini hisobga qoʻyilgan joyingiz emas, balki eski manzilingiz boʻyicha taqdim etsangiz soliq hisobotini topshirmagan deb topilishingiz mumkin va Ma’muriy javobgarlik toʻgʻrisidagi kodeksinnig 175-moddasiga asosan eng kam ish haqining bir baravaridan uch baravarigacha miqdorda jarima solishga sabab boʻlishi mumkin. Xuddi shunday huquqbuzarlik ma’muriy jazo chorasi qoʻllanilganidan keyin bir yil davomida takror sodir etilgan boʻlsa eng kam ish haqining uch baravaridan oʻn baravarigacha miqdorda jarima solishga sabab boʻladi (MJTKning 175-mod.).