Юридик шахслар ўзлари жойлашган ердаги (почта манзилидаги) давлат солиқ хизмати органида солиқ тўловчи сифатида ҳисобга қўйилади (СК 79-моддаси).

Агарда Сизнинг корхонангизнинг юридик манзили ўзгарган бўлса, Сиз ўзгарган манзилдаги давлат солиқ хизмати органида ҳисобга қўйиласиз ва ўз навбатида солиқ ҳисоботлари ва тўловларини ҳам янги манзилдаги давлат солиқ хизмати органига тақдим этишингиз жоиз (СК 45-мод. 2-қ.).

Юқоридагилардан келиб чиқиб, агарда Сиз солиқ ҳисоботини ҳисобга қўйилган жойингиз эмас, балки эски манзилингиз бўйича тақдим этсангиз солиқ ҳисоботини топширмаган деб топилишингиз мумкин ва Маъмурий жавобгарлик тўғрисидаги кодексинниг 175-моддасига асосан энг кам иш ҳақининг бир бараваридан уч бараваригача миқдорда жарима солишга сабаб бўлиши мумкин. Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилган бўлса энг кам иш ҳақининг уч бараваридан ўн бараваригача миқдорда жарима солишга сабаб бўлади (МЖТКнинг 175-мод.).