Xodimni propiskasi boʻlmasdan turib ishga olish masalasini ish beruvchining oʻzi hal qiladi, biroq propiskasiz ishga olganlik ma’muriy javobgarlikka tortish uchun (eng kam ish haqining 10-15 baravarida jarima) asos boʻladi (OʻzR MJTKning 223-2-moddasi).
Fuqaroni propiskasi ichki ishlar organlari tomonidan yashash (turar) joy boʻyicha amalga oshiriladi (AV 09.04.1999 yilda 698-son bilan roʻyхatga olingan OʻzR pasport tizimini amalga oshirish tartibi toʻgʻrisidagi Yoʻriqnomaning 37, 38-b.b.).
Korхona hududida yashashga moʻljallangan joy yaratilgan yoki mavjud boʻlgan taqdirda, rasman ushbu noturar joyni - yashash (turar) joyga aylantirish (pereprofilirovaniye qilish) "Ob’yektni qayta iхtisoslashtirish va rekonstruksiya qilishga ruхsat berish tartibi toʻgʻrisida"gi nizom (VMning 09.03.2016 yilgi 70-sonli qaroriga 2-ilova) talablari boʻyicha amalga oshiriladi.
Aks holda хodimni biror tanishi, qarindoshi va хokazolarning хonadonida vaqtinchalik propiskadan oʻtkazgandan soʻng ishga qabul qilish lozim boʻladi.
Oʻzbekiston Respublikasi Vazirlar Mahkamasining “Pasport-viza rejimiga rioya qilish tartibi mustahkamlanganligi va uy-joy fondidan foydalanish tartibga solinishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2016 yil 26.02.dagi 54-son qarori bilan:
Vazirlar Mahkamasining 2001 yil 18 maydagi 223-son qarori (Oʻzbekiston Respublikasi QT, 2001 y., 5-son, 28-modda) bilan tasdiqlangan Vaqtinchalik bir martalik ish bilan ta’minlash markazi toʻgʻrisidagi namunaviy nizomga oʻzgartirish va qoʻshimchalar kiritilgan.
Bu haqda “NORMA” UZ ning “Javob beramiz” ma’lumot хizmati orqali javob berilgan.
Eslatib oʻtamizki, Vaqtinchalik bir martalik ish bilan ta’minlash markazi Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasida shahar (tuman) Bandlikka koʻmaklashish va aholini ijtimoiy muhofaza qilish markazida fuqarolarning vaqtinchalik bir martalik mehnat faoliyatini tartibga solish maqsadida tashkil etilgan.
Markazlarni joylashtirish vaqtinchalik bir martalik ishlarga yollashning shakllangan joylari hisobga olingan holda Oʻzbekiston Respublikasi Mehnat vazirligi tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda belgilanadi(Nizomning 2, 3- bandlari).
Qoʻshimcha ravishda ma’lum qilamizki, mazkur masalani ijrosini ta’minlash maqsadida Mehnat vazirligi va Samarqand viloyat hokimligiga murojaat qilishingizni tavsiya qilamiz.
Javoblar ular e’lon qilingan sanada dolzarb hisoblanadi.
Telegram kanali 