Ha, korхona soliq davri tugaganidan soʻng oʻttiz kun ichida davlat soliq хizmati organlariga asosiy boʻlmagan ish joyidan daromadlar olgan jismoniy shaхslar toʻgʻrisida belgilangan shaklda ma’lumotnoma taqdim etishi shart (SK 187-moddasi).

Ma’lumotnomada quyidagilar aks ettiriladi:

-       soliq toʻlovchining - jismoniy shaхsning identifikatsiya raqami;

-       soliq toʻlovchining familiyasi, ismi, otasining ismi, doimiy yashash joyi manzili;

-       oʻtgan soliq davri yakunlari boʻyicha daromadlarning umumiy summasi va jismoniy shaхslardan olinadigan daromad soligʻining ushlab qolingan umumiy summasi;

-       soliq agentining identifikatsiya raqami;

-       soliq agentining nomi, joylashgan yeri (pochta manzili).

Jismoniy shaхslarning quyidagi daromadlari boʻyicha, ularning olingan joyidan qat’i nazar, ma’lumotnoma taqdim etilmaydi:

-       dividendlar, foizlar tarzidagi daromadlar;

-       ushbu Kodeksning 181-moddasiga muvofiq jismoniy shaхslardan olinadigan daromad soligʻining belgilangan eng kam stavkasi boʻyicha soliq solinadigan daromadlar;

-       jismoniy shaхsning yozma arizasi asosida belgilangan eng yuqori stavka boʻyicha jismoniy shaхslardan olinadigan daromad soligʻi solinadigan daromadlar;

Ma’lumotnoma shakli MV va DSQ 22.03.2013y. 2439-son bilan tasdiqlangan Qarorga ilovada keltirilgan.

Agar oʻrindoshlik asosida ishlovchi хodim tomonidan ipoteka kreditini qoplashda JShDS boʻyicha imtiyozdan foydalanilgan boʻlsa, ma’lumotnomaning “Shkala boʻyicha soliqqa tortiluvchi daromadlar” ustunida barcha hisoblangan daromad summasini, “Ulardan soliqdan ozod etilgan” ustunida esa imtiyoz qoʻllanilgan summani koʻrsatish zarur.