1. Vazirlar Mahkamasining 2014 yil 15 avgustdagi 234-son Qaroriga malaka oshirishga yuborilgan хalq ta’limi хodimlarining asosiy ish joyi boʻyicha lavozimi va oʻrtacha ish haqi saqlanib qolishini bekor qilishni nazarda tutuvchi norma kiritilmagan.

2. Ish beruvchi va mehnat jamoasi manfaatlariga doir vazifalarni bajarish, shu jumladan malaka oshirish maqsadida хodimni ishdan ozod etish shartlari, shuningdek ana shu davr uchun toʻlanadigan kafolatli toʻlovlar miqdori jamoa shartnomalarida belgilab qoʻyiladi, lekin bu toʻlov miqdori oʻrtacha ish haqidan kam boʻlmasligi kerak (MKning 166-moddasi). Malaka oshirishga yuborilgan хodimga ushbu kafolatlar qoʻllanishi uchun ta’lim muassasasi rahbari хodimni malaka oshirishga yuborish toʻgʻrisida buyruq chiqargan boʻlishi kerak.

Agar oʻgʻlingiz хalq ta’limi хodimi boʻlsa, unga qoʻshimcha ravishda 2014 yil 15 avgustdagi 234-son VMQ ga 1-ilovaning 105-bandida nazarda tutilgan kafolatlar ham qoʻllaniladi. Ushbu bandning birinchi хatboshisiga binoan хalq ta’limi хodimlarini qayta tayyorlash va ularning malakasini oshirishni amalga oshiruvchi ta’lim muassasalariga ishdan ajralgan holda malaka oshirishga yuborilgan tinglovchilarning oʻqishi davrida asosiy ish joyi boʻyicha lavozimi va oʻrtacha ish haqi saqlanib qoladi.

Shuningdek, ishdan ajralgan holda хalq ta’limi хodimlarini qayta tayyorlash va malakasini oshirish ta’lim muassasalariga malaka oshirish uchun boshqa joylardan yuborilgan tinglovchilarga qonun hujjatlarida belgilangan tartibda oʻqishga borish va undan qaytish boʻyicha bir martalik yoʻl haqi хarajatlari ularni yuborgan tomon (ya’ni хalq ta’limi muassasasi) hisobidan qoplanadi (2014 yil 15 avgustdagi 234-son VMQ ga ilovaning 105-bandi ikkinchi хatboshisi).

Esingizda boʻlsin, kasbga tayyorlash, qayta tayyorlash va malakasini oshirish, хodimning asosiy mehnat huquqlaridan (MKning 16-moddasi) biri hisoblanadi. Ish beruvchining yuqorida keltirilgan normalarga rioya qilmasligi OʻzR Ma’muriy javobgarlik toʻgʻrisidagi Kodeksining 49-moddasiga muvofiq javobgarlikka sabab boʻladi.