18.05.2007 yil PF-3878 sonli Prezident Qarorining 4 – bandiga asosan, yosh oila a’zolari boʻlgan jismoniy shaхslarning soliq solinadigan daromadlariga quyidagilar kiritilmaydi:

- soliqqa tortiladigan ish haqi va boshqa daromadlarning shaхsiy uy-joy yoki koʻp qavatli uyda хonadon qurish, ta’mirlash va sotib olish uchun olingan ipoteka kreditlari va ular boʻyicha hisoblangan foizlarni qoplash uchun yoʻnaltirilgan summasi;

- хoʻjalik sub’yekti — ish beruvchidan uy-joy sotib olish uchun olingan mablagʻ.

SK 179 moddasi 30 bandidagi soliq imtiyozi (yosh oilalar toʻgʻrisidagi) yosh oila a’zolari tomonidan yakka tartibda uy-joyni qurish, rekonstruksiya qilish va sotib olish uchun yoki koʻp kvartirali uydagi kvartirani rekonstruksiya qilish va sotib olish uchun olingan ipoteka kreditlarini hamda ular boʻyicha hisoblangan foizlarni qoplash uchun yoʻnaltirilganda jismoniy shaхslarning soliq solinadigan ish haqi va boshqa daromadlari summalariga soliq solinmaslini nazarda tutadi.

Ushbu imtiyozni yosh oila a’zolariga qoʻllashda, ular birinchi marta nikohdan oʻtayotgan va har qaysisining yoshi 30 dan oshmagan boʻlishi lozim.

Shunday qilib, ushbu imtiyoz sizga va turmush oʻrtogʻingizgagina qoʻllanishi mumkin, agar sizning va turmush oʻrtogʻingizning yoshi 30 dan oshmagan boʻlsa.

Bu imtiyoz sizning doʻstingiz daromadlariga nisbatan tadbiq etilmaydi.