18.05.2007 йил ПФ-3878 сонли Президент Қарорининг 4 – бандига асосан, ёш оила аъзолари бўлган жисмоний шахсларнинг солиқ солинадиган даромадларига қуйидагилар киритилмайди:
- солиққа тортиладиган иш ҳақи ва бошқа даромадларнинг шахсий уй-жой ёки кўп қаватли уйда хонадон қуриш, таъмирлаш ва сотиб олиш учун олинган ипотека кредитлари ва улар бўйича ҳисобланган фоизларни қоплаш учун йўналтирилган суммаси;
- хўжалик субъекти — иш берувчидан уй-жой сотиб олиш учун олинган маблағ.
СК 179 моддаси 30 бандидаги солиқ имтиёзи (ёш оилалар тўғрисидаги) ёш оила аъзолари томонидан якка тартибда уй-жойни қуриш, реконструкция қилиш ва сотиб олиш учун ёки кўп квартирали уйдаги квартирани реконструкция қилиш ва сотиб олиш учун олинган ипотека кредитларини ҳамда улар бўйича ҳисобланган фоизларни қоплаш учун йўналтирилганда жисмоний шахсларнинг солиқ солинадиган иш ҳақи ва бошқа даромадлари суммаларига солиқ солинмаслини назарда тутади.
Ушбу имтиёзни ёш оила аъзоларига қўллашда, улар биринчи марта никоҳдан ўтаётган ва ҳар қайсисининг ёши 30 дан ошмаган бўлиши лозим.
Шундай қилиб, ушбу имтиёз сизга ва турмуш ўртоғингизгагина қўлланиши мумкин, агар сизнинг ва турмуш ўртоғингизнинг ёши 30 дан ошмаган бўлса.
Бу имтиёз сизнинг дўстингиз даромадларига нисбатан тадбиқ этилмайди.
Жавоблар улар эълон қилинган санада долзарб ҳисобланади.