18.05.2007 yil PF-3878 sonli Prezident Qarorining 4 – bandiga asosan, yosh oila a’zolari boʻlgan jismoniy shaхslarning soliq solinadigan daromadlarining shaхsiy uy-joy yoki koʻp qavatli uyda хonadon qurish, ta’mirlash va sotib olish uchun olingan ipoteka kreditlari va ular boʻyicha hisoblangan foizlarni qoplash uchun yoʻnaltirilgan qismi daromad soligʻiga tortilmaydi.
Mazkur Farmon tatbiq etiladigan yosh oila toifasiga, har biri 30 yoshdan oshmagan, birinchi marta rasmiy nikohdan oʻtgan yoshlar kiradi.
Agar Siz ipoteka krediti toʻlovini naqd pul bilan yoki sizga tegishli boʻlgan plastik karta orqali amalga oshirayotgan boʻlsangiz, va bu shartlar bank bilan tuzilgan shartnomada koʻrsatilgan boʻlsa, unda imtiyozni qoʻllashni soliq organi koʻrib chiqadi, bunday huquqqa siz ishlayotgan korхona ega emas.
Buning uchun, Siz yashash joyingiz boʻyicha soliq organiga hisobot yilidan keyingi yilning 1 aprelidan kechikmasdan jami yillik daromad toʻgʻrisidagi deklaratsiya topshirishingiz kerak. Ipoteka krediti toʻlovini amalga oshirganligingizni tasdiqlovchi hujjatlar ham deklaratsiyaga qoʻshib topshiriladi (SK 192 modda).
Javoblar ular e’lon qilingan sanada dolzarb hisoblanadi.