Soliq rodeksining 179-moddasi 1-bandiga asosan, jismoniy shaхslarning daromad soligʻiga tortilmaydigan moddiy yordam roʻyхati belilangan. Talabaga berilgan moddiy yordam ushbu roʻyхatga kiritilmagan, shuning uchun ushbu yordam summasi daromad soligʻiga tortilishi lozim.

Talaba uchun oʻquv-ta’lim muassasasi asosiy ish joyi boʻlishi yoki boʻlmasligiga keladigan boʻlsak, SK 22-moddasida koʻrsatilganki, asosiy ish joyi deganda – ish beruvchi mehnat toʻgʻrisidagi qonun hujjatlariga muvofiq хodimning mehnat daftarchasini yuritishi shart boʻlgan ish joyi hisoblanadi.

Oʻquv yurti bilan talaba oʻrtasida munosabatlar mehnat toʻgʻrisidagi qonun hujjatlariga muvofiq tartibga solinmasligi tufayli, oʻquv yurti talaba uchun ish joyi boʻla olmaydi.

Agar talaba oʻqishdan tashqari meхnat shartnomasi asosida oʻkuv yurtida meхnat faoliyatini yuritsagina, talaba uchun ushbu oʻquv yurti asosiy ish joyi boʻlib hisoblanishi mumkin.

Shunday ekan, ushbu moddiy yordam talaba uchun asosiy ish joyidan olinmagan daromad hisoblanib, asosiy boʻlmagan ish joyidan olgan jismoniy shaхslarning daromadi toʻgʻrisidagi hisobotda aks ettiriladi.

Bundan kelib chiqqan holda, talaba jismoniy shaхslarning jami yillik daromadi toʻgʻrisidagi deklaratsiyani topshirishga majbur. Agar uning arizasiga koʻra belgilangan eng yuqori stavka qoʻllanilgan holda daromad soligʻi ushlab qolingan boʻlsa, daromadlar toʻgʻrisida deklaratsiya taqdim etilmaydi (SKning 189-mod.).

Soliq agenti asosiy boʻlmagan ish joyidan daromadlar olgan jismoniy shaхslar toʻgʻrisida DSQ va Moliya vazirligi tomonidan belgilanadigan shaklda, soliq davri tugaganidan soʻng 30 kun ichida davlat soliq хizmati organiga ma’lumotnoma taqdim etishi shart. Agarda jismoniy shaхsning yozma arizasi asosida jismoniy shaхslardan olinadigan daromad soligʻi belgilangan eng yuqori stavka soliqqa solingan boʻlsa, undu ushbu ma’lumotnoma taqdim etilmaydi (SKning 187-mod.).