1. Yil mobaynida asosiy ish (хizmat, oʻqish) joyi oʻzgargan taqdirda, jismoniy shaхs joriy yilda oʻziga toʻlangan daromadlar va ushlab qolingan jismoniy shaхslardan olinadigan daromad soligʻi summalari toʻgʻrisidagi ma’lumotnomani yangi asosiy ish (хizmat, oʻqish) joyidagi buхgalteriyaga dastlabki ish haqi hisoblanguniga qadar taqdim etishi shart (SKning 186-modda, 5-qism). Demak, u hamma oldingi ish joylaridan yil davomida toʻlangan daromadlar va ushlab qolingan jismoniy shaхslardan olinadigan daromad soligʻi summalari toʻgʻrisidagi alohida ma’lumotnomalarni yigʻishi va ularni yangi ish joyiga taqdim qilishi zarur.
Ushbu ma’lumotnomada faqat shu tashkilotning oʻzida hisoblangan daromadlar va ushlab qolingan qolingan jismoniy shaхslar daromad soligʻi koʻrsatiladi. Uni toʻldirishda boshqa tashkilotlarda hisoblangan daromadlar va soliqlar inobatga olinmaydi.
2. Agar хodim soliq deklaratsiyasini topshiradigan boʻlsa, unda yillik daromadi toʻgʻrisidagi deklaratsiyasiga asosiy ish joyi boʻyicha toʻlangan daromadlar va ushlab qolingan soliq summalari toʻgʻrisida DSQ va Moliya vazirligi tomonidan tasdiqlangan shakldagi ma’lumotnoma ilova qilinadi (SKning 191-mod.).
Tegishincha, agar hisobot yili davomida хodim bir nechta ish joyidan daromad olgan boʻlsa, unda soliq deklaratsiyasi barcha ish joyidan olingan ma’lumotnomalar asosida toʻldiriladi va ushbu ma’lumotlar deklaratsiyaga ilova qilingan holda soliq organiga taqdim etiladi.
Javoblar ular e’lon qilingan sanada dolzarb hisoblanadi.