1. Йил мобайнида асосий иш (хизмат, ўқиш) жойи ўзгарган тақдирда, жисмоний шахс жорий йилда ўзига тўланган даромадлар ва ушлаб қолинган жисмоний шахслардан олинадиган даромад солиғи суммалари тўғрисидаги маълумотномани янги асосий иш (хизмат, ўқиш) жойидаги бухгалтерияга дастлабки иш ҳақи ҳисоблангунига қадар тақдим этиши шарт (СКнинг 186-модда, 5-қисм). Демак, у ҳамма олдинги иш жойларидан йил давомида тўланган даромадлар ва ушлаб қолинган жисмоний шахслардан олинадиган даромад солиғи суммалари тўғрисидаги алоҳида маълумотномаларни йиғиши ва уларни янги иш жойига тақдим қилиши зарур.

Ушбу маълумотномада фақат шу ташкилотнинг ўзида ҳисобланган даромадлар ва ушлаб қолинган қолинган жисмоний шахслар даромад солиғи кўрсатилади. Уни тўлдиришда бошқа ташкилотларда ҳисобланган даромадлар ва солиқлар инобатга олинмайди.

2. Агар ходим солиқ декларациясини топширадиган бўлса, унда йиллик даромади тўғрисидаги декларациясига асосий иш жойи бўйича тўланган даромадлар ва ушлаб қолинган солиқ суммалари тўғрисида ДСҚ ва Молия вазирлиги томонидан тасдиқланган шаклдаги маълумотнома илова қилинади (СКнинг 191-мод.).

Тегишинча, агар ҳисобот йили давомида ходим бир нечта иш жойидан даромад олган бўлса, унда солиқ декларацияси барча иш жойидан олинган маълумотномалар асосида тўлдирилади ва ушбу маълумотлар декларацияга илова қилинган ҳолда солиқ органига тақдим этилади.