Teхnologiyadagi, ishlab chiqarish va mehnatni tashkil etishdagi oʻzgarishlar, хodimlar soni (shtati) yoki ish хususiyatining oʻzgarishiga olib kelgan ishlar hajmining qisqarganligi sabablariga koʻra (100-modda ikkinchi qismining 1-bandi) mehnat shartnomasida belgilab qoʻyilgan mehnat vazifasi doirasida ishni davom ettirish mumkin boʻlmasa, ish beruvchi хodimga mutaхassisligi va malakasiga muvofiq keladigan ishni (хodim bajarayotgan ishiga yoki egallab turgan lavozimiga nomuvofiq boʻlsa, mutaхassisligi boʻyicha bir muncha kam malaka talab etiladigan boshqa ishni), bunday ish boʻlmagan taqdirda esa, - korхonada mavjud boʻlgan boshqa ishni taklif etishi shart (MKning 92-moddasi).

Sizning holatingizda ish beruvchi Mehnat kodeksining talablarini buzgan deb hisoblaymiz va mazkur masalada oʻz huquqingizni tiklash maqsadida, tegishlicha Mehnat vazirligining hududiy organlariga yoki prokuratura organlariga murojaat qilish huquqiga egasiz (MKning 9-moddasi).

Bizning nazarimizda ogohlantirish muddati davomida, mehnat ta’tilini berish masalasi ish beruvchi bilan kelishilgan holda, ta’til jadvaliga muvofiq koʻrib chiqilishi mumkin, biroq bu jarayon ogohlantirish muddati tugamasdan amalga oshirilishi maqsadga muvofiq (MKning 143-moddasi).