Технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги сабабларига кўра (100-модда иккинчи қисмининг 1-банди) меҳнат шартномасида белгилаб қўйилган меҳнат вазифаси доирасида ишни давом эттириш мумкин бўлмаса, иш берувчи ходимга мутахассислиги ва малакасига мувофиқ келадиган ишни (ходим бажараётган ишига ёки эгаллаб турган лавозимига номувофиқ бўлса, мутахассислиги бўйича бир мунча кам малака талаб этиладиган бошқа ишни), бундай иш бўлмаган тақдирда эса, - корхонада мавжуд бўлган бошқа ишни таклиф этиши шарт (МКнинг 92-моддаси).
Сизнинг ҳолатингизда иш берувчи Меҳнат кодексининг талабларини бузган деб ҳисоблаймиз ва мазкур масалада ўз ҳуқуқингизни тиклаш мақсадида, тегишлича Меҳнат вазирлигининг ҳудудий органларига ёки прокуратура органларига мурожаат қилиш ҳуқуқига эгасиз (МКнинг 9-моддаси).
Бизнинг назаримизда огоҳлантириш муддати давомида, меҳнат таътилини бериш масаласи иш берувчи билан келишилган ҳолда, таътил жадвалига мувофиқ кўриб чиқилиши мумкин, бироқ бу жараён огоҳлантириш муддати тугамасдан амалга оширилиши мақсадга мувофиқ (МКнинг 143-моддаси).
Жавоблар улар эълон қилинган санада долзарб ҳисобланади.