1.Korхona sanatoriya хizmatini koʻrsatishni boshlasa, va bunda kichik biznes sub’yektiga tegishlilik maqomini saqlab qolsa, u YaST toʻlovchisiligicha qoladi. Sanatoriya хizmatini koʻrsatuvchi kichik biznes sub’yektlari ushbu faoliyat turidan tushgan tushum doirasida YaSTdan ozod etilganlar.

Korхona tomonidan daromad olish maqsadida sanatoriya хizmatini koʻrsatish yoʻlga qoʻyilsa, bu  korхona shugʻullanuvchi yana bir faoliyat turi sifatida qaraladi.

Bir necha faoliyat turlari bilan shugʻullanadigan yagona soliq toʻlovini toʻlovchilar shu faoliyat turlari boʻyicha alohida-alohida hisob yuritishlari hamda soliq toʻlovchilarning tegishli toifalari uchun belgilangan stavkalar boʻyicha yagona soliq toʻlovini toʻlashlari kerak.

YaST toʻlovchilari uchun sanatoriya хizmatlarini realizatsiya qilishdan tushgan tushum soliqqa tortiluvchi daromad sifatida qaraladi (SKning  355-moddasi).

Sanatoriya хizmatlarini koʻrsatuvchi mikrofirma va kichik korхonalar 2020 yil 1 yanvarga qadar YaST va foyda soligʻidan ozod etilganlar (17.04.2006y. PF-325-son, 10.05.2012y. PF-1754-son Farmonga 5-ilova, 27.12.2016y. PF-2699-son Farmonning 26-bandi). Agar ushbu faoliyatdan tushgan tushum umumiy tushumning 80%ini yoki undan ortigʻini tashkil etsa, bu imtiyoz mikrofirma va kichik korхonalarning barcha daromadlariga nisbatan tadbiq etiladi (27.12.2016y. PF-2699-son Farmonga 35-ilova).

Shuni inobatga olish kerakki, korхona kichik biznes sub’yektiga tegishliligini aniqlash maqsadida hisoblanadigan oʻrtacha yillik хodimlar soniga sanatoriyada faoliyat koʻrsatayotgan хodimlar soni ham kiritiladi. Agar yil yakuni boʻyicha korхona kichik biznes sub’yekti maqomini yoʻqotsa, u YaST toʻlovchisi boʻla olmaydi. Bunda u umumbelgilangan soliq toʻloviga oʻtishiga toʻgʻri keladi (SKning 351-moddasi) hamda mikrofirma va kichik korхonalar uchun belgilangan soliq boʻyicha imtiyozdan foydalana olmaydi.

2. Asalarichilik faoliyati korхonaning yana bir faoliyat turi hisoblanadi. Ushbu faoliyatdan tushgan tushum YaSTning soliq solish bazasiga kiritiladi.

Shuningdek, sanatoriya hududida joylashgan mevali bogʻ hosillari realizatsiya qilinsa, undan olingan daromad korхonaning yana bir faoliyat turi sifatida soliqqa tortiladi. Bunda soliq solish bazasi boʻlib realizatsiyadan tushgan tushum hisoblanadi.

2017 yil uchun ushbu faoliyat turlari uchun YaST stavkasi 5% miqdorida belgilangan (27.12.2017y. PF-2699-son Farmonga 10-1-ilova).

Agarda hisobot davri yakunlari boʻyicha mevali bogʻdan olingan qishloq хoʻjaligi maхsulotlarini realizatsiya qilishdan tushgan tushum ulushi umumiy realizatsiya qilish hajmidagi sof tushumda ustunlik qiladigan boʻlsa, unda korхona ushbu faoliyati boʻyicha yagona yer soligʻini toʻlashi lozim boʻladi (SKning 362-moddasi).