Mehnatga haq toʻlash muddatlari (shu jumladan avans tariqasida) jamoa shartnomasi yoki boshqa lokal normativ hujjatda belgilanadi va har yarim oyda bir martadan kam boʻlishi mumkin emas (MKning 161-moddasi).

Ish haqi boʻyicha oyning birinchi yarmi uchun boʻnak (avans) olish uchun hujjatlar taqdim etilganda soliqni toʻlash amalga oshirilmaydi (SKning 188-moddasi).

Ishchilarga oyning birinchi yarmi (1-dan 15-kungacha) uchun boʻnak odatda, joriy oyning 16-dan 20-kunigacha beriladi, oy davomidagi natijalari boʻyicha ishchilar bilan toʻliq hisob-kitob esa, keyingi oyning boshida (masalan, 10-kunda) amalga oshiriladi.

Avans sifatida toʻlanishi mumkin boʻlgan ish haqi miqdori qonunchilik bilan chegaralanmagan.

Boʻnak miqdori Jamoa shartnomasida belgilangan boʻlishi lozim. Ishchilarga boʻnaklar oldindan kelishilgan miqdorlarda, ishchi lavozim maoshi (tarif stavkasi)ning 50 foizi yoki oldingi oy haqiqatdagi ish haqining 40 foizi koʻrinishida toʻlanadigan variantlar, nisbatan koʻp qoʻllaniladi.

Soliq va sugʻurta badallari oy yakunida хodimga hisoblangan daromaddan ushlab qolinishi, soʻngra ushbu summadan avans tariqasida berilgan ish haqining ushlab qolinishini nazarda tutib, odatda amalda korхonalar avans tariqasida хodimga ish haqining 40% dan oshmagan miqdorida berishadi. Shunday qilinganda olinadigan ish haqi avans summasidan kam boʻlmasligiga erishiladi. Avans tariqasida olinadigan ish haqini хodim plastik kartasiga pul koʻchirish yoʻli bilan bir qatorda naqd shaklda ham olishi mumkin.

Misol. Buхgalter – kassirga oyiga 600 ming soʻm miqdorida oklad belgilangan, oklad toʻliq toʻlanadi agarda oyda toʻliq ishlasa. Aprel oyining birinchi yarmida u toʻliq ishladi. Xodim bilan kelishilgan holda unga ish haqining 40%i, ya’ni 240 000 (600 000 х 40%) avans berildi. Avansning bir qismi naqd pul shaklida, qolgan qismi esa plastik kartasiga oʻtkazib berildi.