2017 yil 1 apreldan boshlab YaST toʻlovchilari uchun qurilishi moliyalashtirishning markazlashtirilgan manbalarini jalb etgan holda tanlov savdolari asosida amalga oshirilayotgan ob’yektlar boʻyicha QQSni toʻlash majburiyatlari saqlanib qoladi (SKning 349-moddasi). Ya’ni bunday qurilish-montaj ishlari QQS hisobga olingan holda buyurtmachiga taqdim etilishi lozim.

Kurilish materiallarini sotib olish paytidagi toʻlangan QQS summasi hisobga olinadi. SKning 218-moddasiga muvofiq, agar tovarlarni (ishlarni, хizmatlarni) oluvchi QQS toʻlovchisi boʻlsa va ushbu tovarlardan (ishlardan, хizmatlardan) soliq solinadigan oborotlar maqsadida foydalanilsa, olingan tovarlarga (ishlarga, хizmatlarga) yetkazib beruvchi tomonidan yozilgan hisobvaraq-faktura yoki boshqa hujjatda QQS alohida ajratib koʻrsatilgan boʻlsa, byudjetga toʻlanishi lozim boʻlgan soliq summasini aniqlashda tovarlarni (ishlarni, хizmatlarni) oluvchi haqiqatda olingan tovarlar (ishlar, хizmatlar) boʻyicha toʻlangan QQS summasini hisobga olish huquqiga ega.

Byudjetga toʻlanishi lozim boʻlgan QQS soliq solinadigan oborot boʻyicha hisoblab chiqarilgan soliq summasi bilan SKning 218-moddasiga muvofiq hisobga olinadigan soliq summasi oʻrtasidagi farq sifatida aniqlanadi (SKning 224-mod.).

Masalan 2017 yil 2-choragi davomida markazlashtirilgan manbalar hisobiga amalga oshirilgan qurilish-montaj ishlari qiymati 100 mln. soʻmni tashkil etadigan boʻlsa, QQSni hisobga olgan holda buyurtmachiga 120 mln. soʻm taqdim etiladi (100*1,2=120).

Kurilish materiallarini sotib olish paytidagi toʻlangan QQS summasi 5 mln. soʻmni tashkil etadigan boʻlsa, pudratchi byudjetga 15 mln. soʻm QQS summasini oʻtkazib beradi (20-5).