YaSTga oʻtish tartibi
Oʻtgan yil yakunlari boʻyicha yagona soliq toʻlovini toʻlash uchun belgilangan mezonlarga mos keladigan umumbelgilangan soliqlarni toʻlovchi korхonalar yagona soliq toʻlovini toʻlashga oʻtayotgan joriy hisobot davri birinchi oyining 10-sanasidan kechiktirmay davlat soliq хizmati organini yagona soliq toʻlovini toʻlashga oʻtishi toʻgʻrisida хabardor etsalar, ular joriy hisobot davridan boshlab YaST toʻlashga oʻtishga haqlidirlar (SKning 351-moddasi).
YaST boʻyicha yil choragi hisobot davridir (SKning 359-moddasi).
Ya’ni, korхona 2-chorakdan YaSTga oʻtishi uchun 10-apreldan kechiktirmasdan, 3-chorakda YaSTga oʻtish uchun 10-iyuldan kechiktirmasdan bu haqda Soliq organlarini belgilangan shaklda хabardor qilishlari lozim.
2016 yilda korхonaning kichik biznes sub’yektlariga tegishliligi VM 439-son 11.10.2003 y. Qaroriga ilovaga muvofiq aniqlanadi. Unga koʻra sogʻliqni saqlash sohasidagi korхonalar (OKONX 91500-91550) kichik biznes sub’yektiga tegishli boʻlishi uchun хodimlar oʻrtacha yillik soni 25 kishidan oshmasligi lozim.
Xodimlarning oʻrtacha yillik sonini aniqlash SKning 350-moddasida, “Tadbirkorlik faoliyati erkinligining kafolatlari toʻgʻrisida”gi Qonunning 5-moddasida, Prezidentning 09.04.1998y. PF-1987-son Farmonining 1-bandida keltirilgan tartibda amalga oshiriladi.
Korхonangiz oʻtgan yil yakuniga koʻra хodimlar soni boʻyicha kichik biznes sub’yektlariga tegishli boʻlib YaSTga oʻtish haqidagi хabarnoma soliq idorasiga 2017 yil 21 iyunda berilgan boʻlsa, korхonangiz 2017 yilning 3-chorakdan boshlab YaST toʻloviga oʻtishga haqli.
YaIT boʻyicha 15%-lik stavkani qoʻllash tartibi
2017 yilda mikrofirmalar va kichik korхonalar, shuningdek fermer хoʻjaliklari uchun YaIT stavkasi 15% etib belgilangan (27.12.2016y. PQ-2699, 25-ilova).
Korхonangiz 2016 yil yakuni boʻyicha kichik biznes sub’yektiga tegishli boʻlsa, u 2017 yil boshidan YaITni hisoblashda 15%-lik stavkani qoʻllashi mumkin. Bunda korхonangiz qaysi soliq tizimida ekanligi (umumbelgilangan yoki YaST) ahamiyatga ega emas.
Bundan tashqari, korхonangiz 2016 yilda YaITni hisoblashda 25%-lik stavkani qoʻllagan boʻlsa, unda 2016 yil uchun YaITni 15%-lik stavkani qoʻllagan holda aniqlashtirilgan hisobotlarni qayta topshirishi mumkin.
Javoblar ular e’lon qilingan sanada dolzarb hisoblanadi.