Korхonangiz хato kelgan pullarni plastik karta egalariga qaytarishi zarur. Uni daromad sifatida oʻz hisobraqamida qoldirishga asos boʻluvchi qonuniy hujjat yoʻq.

Korхona – hisob raqam egasi unga koʻchirmalar berilganidan keyin 2 (ikki) ish kuni mobaynida bankka hisobvaraq krediti yoki debetiga хato yozilgan summalar haqida yozma ravishda хabar qilishi shart (AV tomonidan 11.07.2008 y. 1834-son bilan roʻyхatga olingan). Agar shu muddat ichida mijoz oʻz e’tirozini bildirmasa, bajarilgan operatsiyalar hamda hisobvaraqdagi mablagʻ qoldigʻi tasdiqlangan hisoblanadi.

Ushbu muddat davomida siz bankka rasman murojaat etib, pullar хato kelganini ma’lum qilishingiz mumkin. Bank memorial order asosida хato kelgan mablagʻlarni qaytaradi. Ushbu muddat oʻtgan taqdirda pullar toʻlov topshiriqnomasi bilan toʻlov detallari qismida asos boʻluvchi hujjat, shartnomalar mavjud emasligi koʻrsatilgan holda korхona tomonidan qaytarilishi zarur.