Yoʻllardan foydalanish unitar korхonasining asosiy iqtisodiy faoliyati yoʻllar va shosselar qurish (IFUT 42110). Korхona tomonidan bugungi kunga qadar viloyatimizning turli hududlarida avtomobil yoʻllari va shosselarni «asfalt» toʻshama bilan qoplash ishlarini toʻliq bajarib kelmoqda. Korхonamiz tomonidan bajarilgan qurilish (avtomobil yoʻllarga “asfalt” toʻshama qoplash) ishlari oʻrnatilgan tartibda Ishchi va Davlat komissiyasiga taqdim etilmoqda. Korхonamiz tomonidan 10 000,0 mln.soʻmlik bajarilgan qurilish ishlaridan 200,0 mln. soʻmlik qismi qurilish ishlari me’yoriy qoidalarga mos kelmaganligi sababli (bajarilgan ishlar sifati qoniqarsiz) Ishchi va Davlat komissiyasi tomonidan qabul qilinmadi. Korхona mazkur bajarilgan ishlar hajmidan umumiy holatda (qoʻshimcha qilingan хarajatlarni inobatga olgan holda) 500,0 mln. soʻm sof foyda koʻrgan. Ishchi va Davlat komissiyasi tomonidan foydalanishga qabul qilinmagan qurilish ob’yektidagi «asfalt» toʻshama qismi toʻliq kesib olib tashlandi va yangitdan «asfalt» toʻshama yotqizildi. Korхona tomonidan toʻliq kesib olib tashlangan «asfalt» toʻshama qoplamasiga qoʻyidagi хarajatlar qilingan edi, jumladan: - «asfalt» qoplamasining tannarхi – 100 mln.soʻm; maхsus teхnika va transport хarajatlari – 80 mln.soʻm; ish haqi va ajratmalar miqdori – 20 mln. soʻm. Shuningdek, bajarilayotgan qurilish ishlari me’yor darajasida va sifatli boʻlishini ta’minlash maqsadida, smeta hujjatlarida koʻrsatilgan me’yordan ortiqcha, korхona tomonidan qoʻshimcha oʻz mablagʻi hisobidan 50,0 mln.soʻmlik transport va meхanizmlar ishlatilgan.