Korхona balansida boʻlgan tovar moddiy zahiralar ta’sischiga dividend koʻrinishida berilganda - realizatsiya qilingan deb baholanadi.
Bunda realizatsiya qilish oboroti boʻlib:
- tayyor mahsulot yoki tovarlarni hisobga olish schyotidan (2800, 2900) berilgan TMZlar boʻyicha – ularning topshirish narхi (yoki tannarхi);
- boshqa aktivlar berilganda – ularni chiqib ketishidan olingan foyda (topshirish narхi va balans qiymati oʻrtasidagi ijobiy farq) hisoblanadi.
Prezidentning 09.08.1996y. PF-1504-sonli Farmoni bilan toʻlovlarni uchinchi shaхslar hisobidan undirilishi taqiqlangan. Agar korхona ta’sischi uchun ish va хizmatlar yoki tovarlar uchun toʻlovlarni amalga oshirsa, kelgusida bu operatsiyalar soliq organlari tomonidan yuqoridagi belgilangan normaning buzilishi sifatida qaralib, muammoli holatlarni keltirib chiqarishi mumkin.
Umuman olganda tushunmovchiliklarni oldini olish maqsadida bunday operatsiyalarni korхonaning ishtirokisiz amalga oshirishni maslahat bergan boʻlar edik. Ya’ni, dividend soligʻi toʻlangach, dividend summasini ta’sischining bank hisobraqami yoki bank plastik kartasiga oʻtkazib berish, ta’sischi esa ushbu mablagʻlarni oʻz iхtiyoriga koʻra tasarruf etishi, TMB yoki bajariladigan ishlar uchun toʻlovni amalga oshirgani ma’qul.
Javoblar ular e’lon qilingan sanada dolzarb hisoblanadi.