Notoʻgʻri.
Homiladorlik va tugʻish ta’tili tugaganidan keyin ayolning хohishiga koʻra, unga bolasi ikki yoshga toʻlgunga qadar bolani parvarishlash uchun ta’til berilib, bu davrda qonun hujjatlarida belgilangan tartibda nafaqa toʻlanadi (MKning 234-moddaning 1-qismi).
Ayolga, uning хohishiga koʻra, bolasi uch yoshga toʻlgunga qadar bolani parvarishlash uchun ish haqi saqlanmaydigan qoʻshimcha ta’til ham beriladi (MKning 234-moddasi 2-qismi).
Bolani parvarishlash uchun beriladigan ta’tillardan bolaning otasi, buvisi, buvasi yoki bolani amalda parvarishlayotgan boshqa qarindoshlari ham toʻliq yoki uni qismlarga boʻlib foydalanishlari mumkin (MKning 234-moddasi 3-qismi).
Undan tashqari, ayol yoki ushbu moddaning uchinchi qismida koʻrsatilgan shaхslar oʻz хohishlariga koʻra, bolani parvarishlash ta’tili davrida toʻliq boʻlmagan ish vaqti rejimida yoki ish beruvchi bilan kelishib, uyda ishlashlari mumkin. Bunda ularning nafaqa olish huquqlari saqlanib qoladi (MKning 234-moddasi 4-qismi).
Demak, bolani parvarishlash uchun beriladigan ta’tillardan foydalanish, yoki foydalanmaslik ayol kishining huquqidir.
Javoblar ular e’lon qilingan sanada dolzarb hisoblanadi.