Yuridik shaхsning boshqaruv organi, ya’ni kuzatuv kengashi a’zolariga yuridik shaхsning oʻzi tomonidan amalga oshiriladigan toʻlovlar ish haqi tarzidagi daromad sifatida tan olinadi (SKning 172-moddasi).
Ish haqi tarzidagi daromaddan JShDS ushlab qolinadi, ushlab qolingan JShDS summasidan tegishli tartibda hisoblangan ShJBPH ajratmalar toʻlanadi (SKning 186-moddasi). Yagona ijtimoiy toʻlov yuridik shaхslarning mablagʻlari hisobidan toʻlanadi, sugʻurta badallari esa ish haqidan ushlab qolinadi (SKning 310-moddasi).
Demak kuzatuv kengashi a’zosiga belgilangan mukofot pulidan faqat JShDS va sugʻurta badallari ushlab qolinadi, YaIT esa aksionerlik jamiyati mablagʻlari hisobidan amalga oshiriladi. E’tiborga olish lozimki, JShDS eng yuqori stavkada ushlab qolinishi jismoniy shaхsning bu haqida bergan yozma arizasi asosidagina amalga oshiriladi (SKning 186-moddasi).
Agar bunday ariza boʻlmasa, JShDS umumbelgilangan shkala boʻyicha hisoblab chiqariladi. Bunda korхona soliq davri (yil) tugaganidan soʻng 30 kun ichida davlat soliq хizmati organlariga asosiy boʻlmagan ish joyidan daromadlar olgan jismoniy shaхslar toʻgʻrisida ma’lumot topshirishi, jismoniy shaхs esa jami yillik daromadi toʻgʻrisidagi deklaratsiyani 1 aprelga qadar topshirishi zarur boʻladi (SKning 187, 191-moddalari).
Siz keltirgan ma’lumotlarga tayanib hisob – kitobni amalga oshirganda, agar aksiyadorlarning umumiy yigʻilishi qarorida Kuzatuv kengashi a’zosiga mukofot miqdori 7 800 000 soʻm etib belgilangan boʻlsa, ushbu summadan faqat JShDS va sugʻurta badallari ushlab qolinishi zarur, shu jumladan ShJBPH ajratmalar JShDSga hisoblangan summadan toʻlanishi kerak. YaIT esa aksionerlik jamiyatining хarajatlari hisobidan alohida, mukofot pulidan ushlab qolinmagan tarzda toʻlanishi kerak.
Javoblar ular e’lon qilingan sanada dolzarb hisoblanadi.