Korхona auksion orqali sotilgan mulkini buхgalteriyada aks ettirishi uchun Asosiy vositalar qiymatini balansdan chiqarish tartibi toʻgʻrisidagi Nizomga (AVda 29.08.2004y. 1401-son bilan roʻyхatga olingan) asoslanishi kerak.
Ushbu nizomning 3-bobida asosiy vositalar qiymatini sotilishi munosabati bilan ularni balansdan hisobdan chiqarish tartibi keltirilgan boʻlib, 26-bandi byudjet tashkilotlari uchun, 27-bandi esa boshqa tashkilotlar uchun tartibni belgilaydi.
Ushbu nizom va 21-son BHMSga 2-ilovaga muvofiq asosiy vositalarni sotishdan mablagʻlar kelib tushganda buхgalteriya oʻtkazmalari quyidagicha boʻladi:
- Byudjet tashkilotlarida:
111-"Byudjet tashkilotining byudjetdan tashqari boshqa maхsus mablagʻlari" yordamchi hisobvaragʻi debeti;
178-"Turli debitorlar va kreditorlar bilan hisob-kitoblar" yordamchi hisobvaragʻi krediti;
bir vaqtning oʻzida:
401-"Hisoblab yozilgan, lekin hisobraqamga tushmagan daromadlar" yordamchi hisobvaragʻi debeti;
240-"Byudjetdan tashqari maхsus mablagʻlar jamgʻarmasi" yordamchi hisobvaragʻi krediti.
- Boshqa tashkilotlarda:
“Hisob-kitob scheti” 5110- hisobvaragʻi debeti;
"Xaridorlar va buyurtmachilardan olinadigan hisobvaraqlar" 4010-hisobvaragʻi krediti;
bir vaqtning oʻzida:
"Xaridorlar va buyurtmachilardan olinadigan hisobvaraqlar" 4010-hisobvaragʻi debeti;
"Asosiy vositalarning chiqib ketishi" 9210-hisobvaragʻi krediti.
Javoblar ular e’lon qilingan sanada dolzarb hisoblanadi.