Ta’tildan oʻz хohishiga koʻra yozgi yoki oʻzlari uchun qulay boʻlgan boshqa vaqtda foydalanish huquqiga ega boʻlgan хodimlar toifasi MKning 144-moddasida belgilab qoʻyilgan.
Boshqa hollarda ham хodim ta’tillar jadvalida belgilangan muddatdan oldin ta’tilga chiqish toʻgʻrisida ariza berishga haqli. Biroq, ish beruvchi uni qanoatlantirishga majbur emas. Jadvalda belgilangan muddatdan oldin ta’til berish ish beruvchining huquqi hisoblanadi.
Ta’tildan foydalanishning jadvalda belgilangan vaqti хodim bilan ish beruvchining kelishuviga binoan oʻzgartirilishi ham mumkin (MKning 144-moddasi, 5-qismi).
MKning 146-moddasiga koʻra ta’tilning bir qismi oʻn ikki ish kunidan kam boʻlmasligi lozim. Xodim ta’tilning qolgan qismini oʻz хohishiga koʻra taqsimlash huquqiga ega.
Ta’tillarni qismlarga boʻlish toʻgʻrisida qoʻshimcha ma’lumotga ega boʻlish uchun quyidagi havolaga qarang.
Javoblar ular e’lon qilingan sanada dolzarb hisoblanadi.