Таътилдан ўз хоҳишига кўра ёзги ёки ўзлари учун қулай бўлган бошқа вақтда фойдаланиш ҳуқуқига эга бўлган ходимлар тоифаси МКнинг 144-моддасида белгилаб қўйилган.
Бошқа ҳолларда ҳам ходим таътиллар жадвалида белгиланган муддатдан олдин таътилга чиқиш тўғрисида ариза беришга ҳақли. Бироқ, иш берувчи уни қаноатлантиришга мажбур эмас. Жадвалда белгиланган муддатдан олдин таътил бериш иш берувчининг ҳуқуқи ҳисобланади.
Таътилдан фойдаланишнинг жадвалда белгиланган вақти ходим билан иш берувчининг келишувига биноан ўзгартирилиши ҳам мумкин (МКнинг 144-моддаси, 5-қисми).
МКнинг 146-моддасига кўра таътилнинг бир қисми ўн икки иш кунидан кам бўлмаслиги лозим. Ходим таътилнинг қолган қисмини ўз хоҳишига кўра тақсимлаш ҳуқуқига эга.
Таътилларни қисмларга бўлиш тўғрисида қўшимча маълумотга эга бўлиш учун қуйидаги ҳаволага қаранг.
Жавоблар улар эълон қилинган санада долзарб ҳисобланади.