Korхona tomonidan qaytarish sharti bilan olingan moliyaviy yordam uning qarzi sifatida qaraladi. Yuridik jihatdan qarzdan foydalanganlik uchun foizlar toʻlanishi yoki toʻlanmasligi mumkin, ushbu shart qarz shartnomasida aks ettirilishi zarur.
Savolingiz mazmunidan kelib chiqqanda, sizning korхonangiz foizsiz qarz shartnomasi asosida mablagʻ olgan. Bunda qarz beruvchiga foiz hisoblab toʻlashingiz kerak emas.
Ammo soliqqa tortish maqsadida korхonangizda tekin olingan mulkiy huquqlar koʻrinishdagi daromad yuzaga kelganligi sababli ushbu daromad summasini hisoblab chiqarish uchun qarz olingan sanadagi Markaziy bank qayta moliyalashtirish stavkasidan foydalaniladi. Daromadni hisoblash Soliq kodeksining 135-moddasidagi tartibga muvofiq amalga oshiriladi.
Hisoblangan daromad korхonangiz qanday soliq tizimini qoʻllayotganidan kelib chiqib u boʻyicha soliqqa tortiladigan bazaga kiritilib, unga soliq hisoblanadi. Ushbu hisob – kitoblar faqat soliqqa tortish maqsadidagina amalga oshirilib, buхgalteriya hisobida daromad hech qanday oʻtkazmalar bilan aks ettirilmaydi.
Foizsiz va foizli qarz shartnomalari bilan ishlaganda daromad va soliq summasini hisoblash haqida batafsil ekpertimizning ushbu javoblarida oʻqishingiz mumkin:
http://kadrovik.uz/question/7948
http://kadrovik.uz/question/8107
Javoblar ular e’lon qilingan sanada dolzarb hisoblanadi.
Telegram kanali 