Корхона томонидан қайтариш шарти билан олинган молиявий ёрдам унинг қарзи сифатида қаралади. Юридик жиҳатдан қарздан фойдаланганлик учун фоизлар тўланиши ёки тўланмаслиги мумкин, ушбу шарт қарз шартномасида акс эттирилиши зарур.
Саволингиз мазмунидан келиб чиққанда, сизнинг корхонангиз фоизсиз қарз шартномаси асосида маблағ олган. Бунда қарз берувчига фоиз ҳисоблаб тўлашингиз керак эмас.
Аммо солиққа тортиш мақсадида корхонангизда текин олинган мулкий ҳуқуқлар кўринишдаги даромад юзага келганлиги сабабли ушбу даромад суммасини ҳисоблаб чиқариш учун қарз олинган санадаги Марказий банк қайта молиялаштириш ставкасидан фойдаланилади. Даромадни ҳисоблаш Солиқ кодексининг 135-моддасидаги тартибга мувофиқ амалга оширилади.
Ҳисобланган даромад корхонангиз қандай солиқ тизимини қўллаётганидан келиб чиқиб у бўйича солиққа тортиладиган базага киритилиб, унга солиқ ҳисобланади. Ушбу ҳисоб – китоблар фақат солиққа тортиш мақсадидагина амалга оширилиб, бухгалтерия ҳисобида даромад ҳеч қандай ўтказмалар билан акс эттирилмайди.
Фоизсиз ва фоизли қарз шартномалари билан ишлаганда даромад ва солиқ суммасини ҳисоблаш ҳақида батафсил экпертимизнинг ушбу жавобларида ўқишингиз мумкин:
http://kadrovik.uz/question/7948
http://kadrovik.uz/question/8107
Жавоблар улар эълон қилинган санада долзарб ҳисобланади.