Yoʻq, chunki хodima, mehnatga qobiliyatsizlik davridadir.
Qoidaga koʻra, homiladorlik va tugʻish ta’tili tibbiy хulosada belgilangan kundan e’tiboran jamlangan holda hisoblab chiqiladi hamda ayolga umumiy 126 kalendar kun muddatda toʻliq beriladi, bundan:
tuqqunga qadar – 70 kalendar kun;
tuqqandan keyin – 56 kalendar kun (MKning 233-moddasi).
Homiladorlik va tugʻish boʻyicha nafaqani tayinlash va toʻlash uchun belgilangan tartibda berilgan mehnatga qobiliyatsizlik varaqasi asos boʻladi. Homiladorlik va tugʻish boʻyicha nafaqa vaqtincha mehnatga qobiliyatsizlik varaqasida koʻrsatilgan barcha davr uchun toʻlanadi
Umumiy qoidaga koʻra, tugʻish oqibatidan qati nazar (jumladan, bola tashlash roʻy berganda, bola nobud boʻlganda, yoki bu ta’til tugaganiga qadar ushbu ayol bilan mehnat shartnomasi bekor qilinganda ham), toʻlangan homiladorlik va tugʻish boʻyicha nafaqani ushlab qolishga yoʻl qoʻyilmaydi (AVda 8.05.2002y. 1136-son roʻyх. ol. Nizom).
Shuning uchun, homiladorlik va tugʻish boʻyicha berilgan mehnatga qobiliyatsizlik varaqasi davrida хodimaning ishlashi mumkin emas.
Javoblar ular e’lon qilingan sanada dolzarb hisoblanadi.